1. සම වයසට යාම වළක්වා තරුණ බව රැකදීම
නෙල්ලි සහ මීපැණි යනු අකලට වයසට යාම වළක්වන ප්රබල සංයෝගයකි. මෙය දිනපතා පරිභෝජනය කිරීමෙන් සම පෝෂණය වී සමට ස්වාභාවික දීප්තියක් ලැබෙන අතර, සමේ සෛල නැවත පුනර්වර්ධනය වීම ද සිදුවේ. දිනපතා මීපැණි නෙල්ලි තේ හැන්දක් ගැනීමෙන් ඔබේ ශරීරය තරුණව තබා ගත හැකිය.
2. ප්රතිශක්තිය වැඩිකිරීම සහ රෝගවලින් ආරක්ෂා වීම
මීපැණි නෙල්ලි අක්මාවේ ක්රියාකාරිත්වය වැඩි දියුණු කරන අතර සෙංගමාලය වැනි රෝගී තත්ත්වයන්ට ප්රතිකාර කිරීමේ සුවිශේෂී හැකියාවක් ඇත. එමෙන්ම ස්වසනාලිකා ප්රදාහය, ඇදුම සහ අනෙකුත් ස්වසන දෝෂ සඳහා මෙය දිව්යමය ඖෂධයකි. මෙහි අඩංගු ප්රතිඔක්සිකාරක පිළිකා වැනි රෝග වළක්වා ගැනීමට ද උපකාරී වේ.
3. ආසාදන සහ උගුරේ අමාරු දුරු කිරීම
මෙම සංයෝගයට ඉඟුරු යුෂ ස්වල්පයක් එකතු කර ගැනීමෙන් කැස්ස සහ උගුරේ ඇතිවන නොරිස්සුම් තත්ත්වයන්ට ක්ෂණික සහනයක් ලබාගත හැකිය. මීපැණි සහ නෙල්ලිවල ඇති ප්රතිබැක්ටීරියාකාරක ගුණය නිසා ආසාදන තත්ත්වයන් සමඟ සටන් කිරීමේ පුදුමාකාර හැකියාවක් ශරීරයට ලැබේ.
4. ආහාර ජීර්ණය පහසු කිරීම
ආහාර ගැනීමට පෙර මෙම මිශ්රණය පරිභෝජනය කිරීමෙන් ආහාර රුචිය වැඩි වන අතර ආහාර ජීර්ණය ද ක්රමවත් වේ. මලබද්ධය නිසා ඇතිවන වේදනාව මෙන්ම ඖෂධ ලබා ගැනීමේදී ඇතිවන අතුරු ආබාධ සමනය කිරීමට ද මෙය ඉතා ගුණදායකය.
5. ශරීරයේ විෂ ඉවත් කිරීම (Detoxification)
විටමින් C බහුල නෙල්ලි මීපැණි සමඟ එක් වූ විට ශරීරයේ ඇති විෂ ද්රව්ය වඩාත් හොඳින් ඉවත් කිරීමේ හැකියාව ලැබේ. ඔබ උදෑසන කාලයේ මීපැණි, වතුර සහ නෙල්ලි යුෂ මිශ්ර පානයක් ලබා ගන්නේ නම් ශරීරයේ ඇති අනවශ්ය බර අඩු කර ගැනීමට ද එය මහෝපකාරී වේ.
6. ප්රජනන පද්ධතියේ දෝෂ සමනය කිරීම
ස්ත්රී පුරුෂ දෙපාර්ශවයේම ප්රජනන දෝෂ සමනය කිරීමට නෙල්ලි සහ මීපැණි නිතර භාවිතය සුදුසු වේ. විශේෂයෙන්ම කාන්තාවන්ගේ මාසික ආර්තවයේදී සිදුවන මස්පිඬු පෙරළීම සහ අක්රමවත් ආර්තව තත්ත්වයන්ට ප්රතිකාර කිරීමේ සුවිශේෂී හැකියාවක් මීපැණි නෙල්ලි සතුව ඇත.
7. නිරෝගී සහ ශක්තිමත් කෙස් කළඹක්
කෙස් කළඹ ශක්තිමත් කිරීමට නෙල්ලි තරම් ගුණදායක අමුද්රව්යයක් තවත් නැත. දුර්වල හිසකෙස් ශක්තිමත් කර ගැනීමට සහ හිසකෙස්වල දීප්තිය වැඩි කර ගැනීමට මීපැණි සහ නෙල්ලි සාරය හිසකෙස් වල ගැල්වීමෙන් ඉතා හොඳ ප්රතිඵල ලබාගත හැකිය.
8. කුඩා දරුවන්ගේ වර්ධනයට
පිරිසිදු නෙල්ලි ගෙඩි මීපැණි වල ගිල්වා තැබූ විට කාලයක් යන විට එය ජෑම් වැනි ස්වභාවයකට පත්වේ. මෙය කුඩා දරුවන් ඉතා ආසාවෙන් අනුභව කරයි. දරුවන්ගේ ඇස් පෙනීම වර්ධනය කිරීමට අවශ්ය විටමින් සහ ඛනිජ ලවණ මෙහි බහුලව අඩංගු වේ.
සාදා ගන්නා ආකාරය: පිරිසිදු කරගත් නෙල්ලි ගෙඩි වීදුරු බෝතලයකට දමා එය වැසෙන සේ මීපැණි පුරවා කාලයක් තබා පසුව ආහාරයට ගත හැකිය. එසේත් නැතිනම් වේලා කුඩු කරගත් නෙල්ලි කුඩු තේ හැන්දක් මීපැණි ස්වල්පයක් සමඟ මිශ්ර කර දිනපතා භාවිත කළ හැකිය.
සැලකිය යුතුයි: ඔබට දියවැඩියාව වැනි රෝගී තත්ත්වයන් ඇත්නම්, මෙම මිශ්රණය භාවිතයට පෙර වෛද්ය උපදෙස් ලබා ගැනීම වඩාත් සුදුසුය.
Leave a comment
Your email address will not be published. Required fields are marked *
